Gjaldskrá

Systkinaafsláttur gildir á milli leikskóla, frístundar, lengdrar viðveru og dagforeldra. Systkinaafsláttur er 50% með öðru barni og 100% með þriðja barni. Afsláttur reiknast alltaf á elsta barnið. Einungis er veittur afsláttur af vistunargjaldi í frístund. Skilyrði er að hafa sama lögheimili og fjölskyldunúmer í þjóðskrá.

Lengd viðvera er í boði flesta starfs-og foreldradaga skólans en þá býðst skráðum þátttakendum að nýta frístund allan daginn. Einnig er lengd viðvera í boði í kringum jól og páska. Skrá þarf sérstaklega þessa daga og miðast gjaldið við tíman fyrir hádegi. Skráðir forráðamenn fá tölvupóst þess efnis þegar opnað hefur verið fyrir skráningu í lengda viðveru. Einnig er hægt að skrá þau börn eftir hádegi sem ekki eru skráð í vistun þann vikudag og greitt sérstaklega fyrir. Skráning í lengda viðveru er bindandi og ekki er veittur systkinaafsláttur af viðbótarvistun þessa daga.
Athugið að lokað er í haustfríi, vetrarfríi, á starfsdögum og rauðum dögum.

Umsókn gildir eitt skólaár í senn (ágúst—júní). Ef segja á upp eða breyta vistun þarf það að gerast í seinasta lagi 19. hvers mánaðar og tekur uppsögnin eða breytingin þá gildi um næstu mánaðarmót eftir að óskað er eftir uppsögn eða breytingu. Það sama gildir um skráningu nýrra barna.