September mánuður var afar skemmtilegur og lærdómsríkur hér í Bjarkarbóli. Nú er starfið okkar komið á gott ról og munum við fara að setja meiri kraft í smiðjur og annað hópastarf.
Starfið okkar
Hefðbundið starf hjá okkur hefst kl 13:10 þegar skóla lýkur. Dagarnir geta verið mjög fjölbreyttir en við förum út 1-2x á dag á meðan veður leyfir og minnum við því á mikilvægi þess að börnin séu klædd eftir veðri og með aukaföt í töskunni.
Í kaffitímanum erum við með hlaðborð og reynum við að hafa fjölbreytileika yfir vikuna. Við bjóðum til dæmis upp á brauð, skonsur, flatkökur, hrökkbrauð og tekex, ásamt ýmis konar áleggi. Það er grænmeti í boði með kaffitímanum og svo eru ávextir í boði um 15 leytið.
Við erum með val á hverjum degi þar sem börnin fá að velja sér hvað þau vilja leika með. Þar leggjum við einnig áherslu á fjölbreytileika og að allir geti fundið sér eitthvað sekmmtilegt að gera. Á föstudögum er opið flæði þar sem börnin í 1. og 2. bekk mega flakka um stofurnar okkar. Á föstudögum er einnig Just Dance sem er alltaf vinsælt hjá okkur :)
Í lok dags er annað hvort útivera eða rólegur leikur og við lokum kl 16:15.
Símanúmer og tölvupóstur
Tölvupósturinn okkar er bjarkarbol@arborg.is og við ítrekum mikilvægi þess að senda póst fyrir kl 12 á daginn svo hann skili sér til okkar áður en starfið hefst. Við temjum okkur að svara öllum tölvupóstum.
Eftir að starfið okkar hefst kl 13:10 er best að hringja í okkur til að koma skilaboðum til okkar.
- Bekkur – 833-4565
- Bekkur – 848-8620
Sjálfboðaliðar
Við erum svo ótrúlega heppin að hafa seinustu vikur fengið til okkar 2 sjálfboðaliða frá Þýskalandi á vegum ESC (European Solidarity Corps) sem tóku þátt í starfinu okkar. Þær voru með alls konar föndur í boði fyrir börnin en hér fyrir neðan má sjá myndir frá því. Þær munu svo næstu 9 mánuði taka þátt í frístunda- og félagsstarfi hér í Árborg.
-Kær kveðja frá starfsfólki Bjarkarbóls